काठमाडौं । गायिका समीक्षा अधिकारीले श्री एयरलायन्सबाट धोका पाएको भन्दै स्टाटस् लेखेपछि अर्की गायिका ज्योति मगरले जवाफ फर्काएकी छन् ।
आइतबार बिहान समीक्षाले श्री एयरलायन्सबाट आफूले धोका पाएको र समयमा नै उडान नहुँदा आफ्नो कार्यक्रम छुटेको भन्दै आक्रोश पोखेकी थिईन् । समीक्षाको स्टाटसलगत्तै ज्योतिले लामो स्टाटस लेखेकी छन् । उनले स्टाटस्मा एयरलायन्सलाई गाली गर्नेलाई पाखेको संज्ञासमेत दिएकी छन् ।
‘म अचेल प्रत्येक दिन दुई ओटा जति फ्लाइट गर्छु । एक दिन त मैले बिहान बिराटनगर टु काठ्मान्डु, पोखरा टु काठमाडौ टु नेपालगन्ज गरेर चार ओटा फ्लाइट सम्म गरे । मौसम को कारण भर्खरै मात्र माघ १ गते र माघ ५ गते २ ओटा ठुला कार्यक्रम रद्द गर्नु पर्यो । किनकी प्रकृति भन्दामाथी हामी कोही छैनौं’ उनले लेखेकी छन् ।
भर्खर भर्खर प्लेन चढ्न थालेका कलाकारहरु आज भोलि अधिकाँस एयरलाइन्सलाई गाली गर्दै आक्रोश पोख्दै आफुलाई भयंकर ठूलो स्टार सम्झेको देख्दा आफूलाई हाँसो लाग्ने उनको भनाई छ ।
‘नेपाल को एयरपोर्ट एयरलाइन्सहरुको बारेमा बुझ पाखेहरु । कुनै पनि एयरलाइन्सहरुले जानीजानी दुख दिदैननर । एयरपोर्ट सानो छ । अन्तरास्ट्रिय उडानदेखि डोमेस्टिक उडान एउटै रनवएमा हुन्छ। विभिन्न टेक्निकल कुराहरु हुन्छन । जहाजहरु उड्न उडाउन पार्किङ गर्न सबै कुराको अनुमती दिने निश्चित निकाय हरु हुन्छन । एउटा प्यासेन्जरले सिट बेल्टमात्रै लाउन नमानिँदिदा टेकअफ पोइन्टमा पुगेको जहाजसम्म फर्काउनुपर्ने सास्ती एयरलाइन्सवालाले भोग्नु पर्छ । साझा बस चढेर ड्राइभरलाई, बस स्टाफलाई मन लागि गाली गर्या जस्तो होइन । फलानो एयरलाइन्स ठिक छ । फलानो एयरलाईन्स धोकेबाज भन्दै मनघनन्ते फाल्तु कुरा गर्नु बेकुफी हो’ उनले भनेकी छन् ‘प्रीय कलाकारहरु आजभोलि एउटा नियम छ । एयरपोर्टभित्र जाहाजको वरिपरी फोटो खिच्न पाइदैन । प्लेन तिर फर्केर फोटो खिचेर आफुलाई भयङ्कर ठूलो व्यस्त कलाकार नदेखाउनु होला । कलाकार हुनुभन्दा अगाडि नियम कानुन पालना गर्ने सभ्य नागरिक बनौं । धन्यवाद तोर्पे ज्युहरु’ ।
