काठमाडौं। राष्ट्रिय स्वतन्त्र पार्टी रास्वपा०का सांसद शिशिर खनालले गृहमन्त्री रमेश लेखकमाथि नैतिकताको प्रश्न गरेका छन् ।
‘ड्युटीमा रहेका प्रहरीलाई अस्कल क्याम्पस पढ्ने अनेरास्ववियुको नेतालाई नेपाल प्रहरीले अनुसन्धान गर्ने पनि गरेनछ’ गृहमन्त्रीमाथि प्रश्न उठाउँदै मंगलबार खनालले प्रतिनिधि सभाको बैठकमा भने। खनाल त्यही क्षेत्रबाट प्रतिनिधि सभामा प्रतिनिधित्व गर्ने सांसद हुन् । आफूलाई त्यहाँका धेरै विद्यार्थीले म्यासेज समेत गरेको उनले सुनाए ।
‘क्याम्पसमा, कक्षा कोठामा सँधै विद्यार्थी नेताहरूको दादागिरी चल्थ्यो । अब त पुलिसले पनि आँट नगरेपछि कसरी क्याम्पसमा पढ्ने वातावरण होला र ?’ विद्यार्थीहरुले आफूलाई गरेको म्यासेज वाचन गरे ।
‘कहिले नेविसंघका विद्यार्थी भनेर गृहमन्त्रीसँगको फोटो देखाएर प्राध्यापक थर्काउन पाइने, कहिले सत्ता टिकाउनपर्ने बाहनामा अखिल समर्थक विद्यार्थीहरूलाई प्रहरीले अनुसन्धान अनुसन्धान पनि गर्न आँट नगर्ने रु’ खनालको प्रश्न छ ।
एकातिर अभद्र व्यवहार भनेर आशिका तामाङहरू जस्तालाई पन्ध्र दिनसम्म हतकडी लगाएर डुलाउने, अर्कोतिर सत्तामा नजिक भएकालाई अनुसन्धान नै नगर्ने प्रवृति देखा परेको भन्दै उनले सरकार र गृहमन्त्रीमाथि प्रश्न उठाए ।
‘दलको आधारमा दलीय विद्यार्थीहरूलाई मात्रै यो देश सुरक्षित छ भनेर हामीले नेपाली युवाहरूलाई यही देशमा बस भनेर म्यासेज दिइराखेका छौं त ?’
युवाहरू विदेश गएको भनेर चिन्तित भएको नेताहरूको अभिव्यक्ति सुन्ने गरिएको उल्लेख गर्दै उनले व्यवहारमा दलको आवद्धताको आधारमा संरक्षण गर्ने प्रवृति मौलाएको उनको आरोप छ ।
‘दलको आधारमा दलीय विद्यार्थीहरूलाई मात्रै यो देश सुरक्षित छ भनेर हामीले नेपाली युवाहरूलाई यही देशमा बस भनेर म्यासेज दिइराखेका छौं त रु’ सरकारलाई उनको प्रश्न छ ।
‘दुई तिहाइको तपाईंहरुको बहुमत छ । गृहमन्त्रीले आफैँले कमाण्डमा रहेको प्रहरीलाई सुरक्षा दिन सक्दैन भने नेपाली युवा कसको अनुहार हेरेर यो देशमा बसिदिनुपर्ने ? तपाईंहरुलाई भोटै मात्रै हाल्न यो देशमा बसिदिनुपर्ने हो त रु’ खनालले प्रश्नमाथि प्रश्न गरे ।
यहीँनेर उनले गगृहमन्त्रीमाथि नैतिकताको प्रश्न गरे ।
‘गम्भीर प्रश्न उठेको छ । आफ्नो कमाण्डमा रहेको प्रहरीलाई सुरक्षा दिन नसक्ने गृहमन्त्री कुन नैतिकताले आफ्नो कुर्सीमा बस्ने हो रु हामीलाई जवाफ दिनुपर्यो’ सांसद खनालले भने ।
