कञ्चनपुर । अमेरिकामा बसोबास गर्दै आएका ऎर दम्पतिले आफ्नो छोराको जन्मदिनको अवसर पारेर कञ्चनपुरको भीमदत्त नगरपालिका–५ बनखेतमा रहेको महिला तथा जेष्ठ नागरिक सेवा केन्द्रमा खाद्यान्न तथा फलफूल वितरण गरेका छन्।
डडेल्धुराको अमरगढी नगरपालिका–तुफानडाँडा स्थायी घर भई हाल अमेरिकाको एक राज्यमा बस्दै आएका बागमती ऎर र मीन ऎरले छोरा शौरभ ऎरको ५ बर्स पूरा भएर ६ बर्समा प्रबेश गरेको शुभ जन्मदिनको अवसरमा सेवा केन्द्रमा आश्रित असाहाय महिला तथा जेष्ठ नागरिकलाई खाना खुवाउनुका साथै फलफूल वितरण गरेका हुन्।
महिला तथा जेष्ठ नागरिक सेवा केन्द्रमा रहेका असाहाय तथा जेष्ठ नागरिकहरूलाई नातिको जन्मदिनको शुभअवसरमा सेवा गर्न पाउँदा निकै खुसी लागेको समाजसेवी तथा शौरभ ऎरका बाजे देवबहादुर जोराले बताए। उनले यस्ता मानवीय सेवाका कार्यले समाजमा सकारात्मक सन्देश प्रवाह गर्ने उल्लेख गरे।
हाल उक्त महिला तथा जेष्ठ नागरिक सेवा केन्द्रमा ५० जना असाहाय तथा जेष्ठ नागरिकहरू आश्रित रूपमा बसोबास गर्दै आएका छन्।
